bharosa asiri mein tha baal-o-par par

bharosā asīrī meñ thā bāl-o-par par

so par vā hue na qafas ke bhī dar par

savārān-e-shā.ista kushte haiñ tere

na teġh-e-sitam kar 'alam har nafar par

khulā pesh-e-dandāñ na us kā girihcha

kinhoñ ne bhī thūkā na silk-e-guhar par

jale kyoñ na chhātī ki apnī nazar hai

kisū shoḳh purkār rā'nā pisar par

na mahshar meñ chauñkā mirā ḳhūn-e-ḳhufta

vahī thā ye ḳhvābīda us shor-o-shar par

ka.ī zaḳhm khā kar taḌaptā rahā dil

tasallī thī mauqūf zaḳhm-e-digar par

sunā thā use paas lekin na paayā

chale duur tak ham ga.e is ḳhabar par

qaaf

sar-e-shab kahe thā bahāna-talab vo

ghaḌī ek raat aa.ī hogī pahar par

koī paas baiThā rahe kab talak yuuñ

kaho hogī ruḳhsat ga.e ab sahar par

jahāñ meñ na kī 'mīr' iqāmat kī niyyat

ki mush'ir thā aanā mirā yaañ safar par

bharosa asiri mein tha baal-o-par par

so par wa hue na qafas ke bhi dar par

sawaran-e-shaista kushte hain tere

na tegh-e-sitam kar 'alam har nafar par

khula pesh-e-dandan na us ka girihcha

kinhon ne bhi thuka na silk-e-guhar par

jale kyon na chhati ki apni nazar hai

kisu shoKH purkar ra'na pisar par

na mahshar mein chaunka mera KHun-e-KHufta

wahi tha ye KHwabida us shor-o-shar par

kai zaKHm kha kar taDapta raha dil

tasalli thi mauquf zaKHm-e-digar par

suna tha use pas lekin na paya

chale dur tak hum gae is KHabar par

qaf

sar-e-shab kahe tha bahana-talab wo

ghaDi ek raat aai hogi pahar par

koi pas baiTha rahe kab talak yun

kaho hogi ruKHsat gae ab sahar par

jahan mein na ki 'mir' iqamat ki niyyat

ki mush'ir tha aana mera yan safar par