bimari-e-dili se zar-o-nazar hain hum

bīmārī-e-dilī se zār-o-nazār haiñ ham

ik musht-e-ustuḳhvāñ haiñ par apne baar haiñ ham

maarā taḌapte chhoḌā fitrāk se na bāñdhā

be-chashm-o-rū kisū ke shāyad shikār haiñ ham

har-dam jabīñ-ḳharāshī har aan sīna-kāvī

hairān-e-'ishq to haiñ par garm-e-kār haiñ ham

hūr-o-qusūr-o-ġhilmāñ nahr-o-na'īm-o-jannat

ye kullu-hum jahannam mushtāq-e-yār haiñ ham

behadd-o-hasr gardish apnī hai 'āshiqī meñ

rusvā-e-shahr-o-deh-o-dasht-o-dayār haiñ ham

ab sail-sail aañsū aate haiñ chashm-e-tar se

dīvār-o-dar se kah do be-iḳhtiyār haiñ ham

rote haiñ yuuñ ki jaise shiddat se abr barse

kyā jāniye ki kaise dil ke buḳhār haiñ ham

ab to gale bañdhā hai zanjīr-o-tauq honā

'ishq-o-junūñ ke apne nāmūs-dār haiñ ham

letā hai 'mīr' 'ibrat jo koī dekhtā hai

kyā yaar kī galī meñ be-e'tibār haiñ ham

bimari-e-dili se zar-o-nazar hain hum

ek musht-e-ustuKHwan hain par apne bar hain hum

mara taDapte chhoDa fitrak se na bandha

be-chashm-o-ru kisu ke shayad shikar hain hum

har-dam jabin-KHarashi har aan sina-kawi

hairan-e-'ishq to hain par garm-e-kar hain hum

hur-o-qusur-o-ghilman nahr-o-na'im-o-jannat

ye kullu-hum jahannam mushtaq-e-yar hain hum

behadd-o-hasr gardish apni hai 'ashiqi mein

ruswa-e-shahr-o-deh-o-dasht-o-dayar hain hum

ab sail-sail aansu aate hain chashm-e-tar se

diwar-o-dar se kah do be-iKHtiyar hain hum

rote hain yun ki jaise shiddat se abr barse

kya jaaniye ki kaise dil ke buKHar hain hum

ab to gale bandha hai zanjir-o-tauq hona

'ishq-o-junun ke apne namus-dar hain hum

leta hai 'mir' 'ibrat jo koi dekhta hai

kya yar ki gali mein be-e'tibar hain hum