bosa us but ka le ke munh moDa

bosa us but kā le ke muñh moḌā

bhārī patthar thā chuum kar chhoḌā

ho ke dīvāne ham hue zanjīr

dekh kar us ke paañv kā toḌā

dil ne kyā kyā na dard raat diye

jaise paktā rahe koī phoḌā

garm-e-raftan hai kyā samand-e-umr

na lage jis ko baav kā ghoḌā

kyā kare baḳht-e-mudda.ī the buland

kohkan ne to sar bahut phoḌā

dil hī murġh-e-chaman kā TuuT gayā

phuul gulchīñ ne haa.e kyoñ toḌā

hai lab-e-bām āftāb-e-umr

kariye so kyā hai 'mīr' din thoḌā

bosa us but ka le ke munh moDa

bhaari patthar tha chum kar chhoDa

ho ke diwane hum hue zanjir

dekh kar us ke panw ka toDa

dil ne kya kya na dard raat diye

jaise pakta rahe koi phoDa

garm-e-raftan hai kya samand-e-umr

na lage jis ko baw ka ghoDa

kya kare baKHt-e-muddai the buland

kohkan ne to sar bahut phoDa

dil hi murgh-e-chaman ka TuT gaya

phul gulchin ne hae kyon toDa

hai lab-e-baam aaftab-e-umr

kariye so kya hai 'mir' din thoDa