dil ajab nusKHa-e-tasawwuf hai
dil ajab nusḳha-e-tasavvuf hai
ham na samjhe baḌā ta.assuf hai
aap hī sarf-e-ishq ho jaanā
ye bhī darvesh kā tasarruf hai
muñh idhar kar ke vo nahīñ sotā
ḳhvāb meñ aave to talattuf hai
yaañ to taklīf sī khiñchī taklīf
vaañ vahī ab talak takalluf hai
chheḌ us shoḳh ne rakhī ham se
ahd par ahd hai taḳhalluf hai
marg kyā manzil-e-murād hai 'mīr'
ye bhī ik raah kā tavaqquf hai
dil ajab nusKHa-e-tasawwuf hai
hum na samjhe baDa tassuf hai
aap hi sarf-e-ishq ho jaana
ye bhi darwesh ka tasarruf hai
munh idhar kar ke wo nahin sota
KHwab mein aawe to talattuf hai
yan to taklif si khinchi taklif
wan wahi ab talak takalluf hai
chheD us shoKH ne rakhi hum se
ahd par ahd hai taKHalluf hai
marg kya manzil-e-murad hai 'mir'
ye bhi ek rah ka tawaqquf hai
- Book : MIRIYAAT - Diwan No- 3, Ghazal No- 1295
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
