دل عجب نسخۂ تصوف ہے
دل عجب نسخۂ تصوف ہے
ہم نہ سمجھے بڑا تأسف ہے
آپ ہی صرف عشق ہو جانا
یہ بھی درویش کا تصرف ہے
منہ ادھر کر کے وہ نہیں سوتا
خواب میں آوے تو تلطف ہے
یاں تو تکلیف سی کھنچی تکلیف
واں وہی اب تلک تکلف ہے
چھیڑ اس شوخ نے رکھی ہم سے
عہد پر عہد ہے تخلف ہے
مرگ کیا منزل مراد ہے میرؔ
یہ بھی اک راہ کا توقف ہے
مأخذ :
- کتاب : MIRIYAAT - Diwan No- 3, Ghazal No- 1295
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
