gul ko hota saba qarar ai kash

gul ko hotā sabā qarār ai kaash

rahtī ek aadh din bahār ai kaash

ye jo do āñkheñ muñd ga.iiñ merī

us pe vā hotīñ ek baar ai kaash

kin ne apnī musībateñ na ginīñ

rakhte mere bhī ġham shumār ai kaash

jaan āḳhir to jaane vaalī thī

us pe kī hotī maiñ nisār ai kaash

is meñ rāh-e-suḳhan nikaltī thī

sher hotā tirā shi.ār ai kaash

ḳhaak bhī vo to devegā bar-bād

na banāveñ mirā mazār ai kaash

shash-jihat ab to tang hai ham par

us se hote na ham do-chār ai kaash

marte bhī to tire hī kūche meñ

miltī yaañ jā-e-gor-vār ai kaash

in laboñ ke gile se dil hai bharā

chal paḌe baat pesh-e-yār ai kaash

be-ajal 'mīr' ab paḌā marnā

ishq karte na iḳhtiyār ai kaash

gul ko hota saba qarar ai kash

rahti ek aadh din bahaar ai kash

ye jo do aankhen mund gain meri

us pe wa hotin ek bar ai kash

kin ne apni musibaten na ginin

rakhte mere bhi gham shumar ai kash

jaan aaKHir to jaane wali thi

us pe ki hoti main nisar ai kash

is mein rah-e-suKHan nikalti thi

sher hota tera shiar ai kash

KHak bhi wo to dewega bar-baad

na banawen mera mazar ai kash

shash-jihat ab to tang hai hum par

us se hote na hum do-chaar ai kash

marte bhi to tere hi kuche mein

milti yan ja-e-gor-war ai kash

in labon ke gile se dil hai bhara

chal paDe baat pesh-e-yar ai kash

be-ajal 'mir' ab paDa marna

ishq karte na iKHtiyar ai kash