hai mere lohu rone ka aasar sa hanuz

hai mere lohū rone kā āsār sā hanūz

kūcha koī koī hai chaman-zār sā hanūz

kab tak ḳhiñchegī sub.h qayāmat kī shaam ko

arse meñ maiñ khaḌā huuñ gunahgār sā hanūz

muddat huī ki ḳhuun jigar meñ nahīñ vale

jaatā hai āñsuoñ kā chalā taar sā hanūz

saaya sā aa gayā thā nazar us kā ek din

mab.hūt maiñ phirūñ huuñ parī-dār sā hanūz

barsoñ se gul chaman meñ nikalte haiñ rang rang

niklā nahīñ hai ek ruḳh-e-yār sā hanūz

dekhā thā ḳhāna-bāġh meñ phirte use kahīñ

gul hairatī hai sūrat-e-dīvār sā hanūz

muddat se tark-e-ishq kiyā 'mīr' ne vale

zār-o-zabūn-o-zard hai bīmār sā hanūz

hai mere lohu rone ka aasar sa hanuz

kucha koi koi hai chaman-zar sa hanuz

kab tak KHinchegi subh qayamat ki sham ko

arse mein main khaDa hun gunahgar sa hanuz

muddat hui ki KHun jigar mein nahin wale

jata hai aansuon ka chala tar sa hanuz

saya sa aa gaya tha nazar us ka ek din

mabhut main phirun hun pari-dar sa hanuz

barson se gul chaman mein nikalte hain rang rang

nikla nahin hai ek ruKH-e-yar sa hanuz

dekha tha KHana-bagh mein phirte use kahin

gul hairati hai surat-e-diwar sa hanuz

muddat se tark-e-ishq kiya 'mir' ne wale

zar-o-zabun-o-zard hai bimar sa hanuz