hum na kaha karte the tum se dil na kisu se lagao tum

ham na kahā karte the tum se dil na kisū se lagāo tum

jī denā paḌtā hai is meñ aisā na ho pachhtāo tum

so na sunī tum ne to hamārī āñkheñ lagū haiñ lag paḌiyāñ

ro ro kar sar dhunte ho ab baiThe ranj uThāo tum

sabr kahāñ jo taskīñ hove betābi se chain kahāñ

ek ghaḌī meñ sau sau baarī ūdhar īdhar jaao tum

ḳhvāhish-e-dil hai chaah kisū kī yahī sabab hai kāhish kā

nāhaq nāhaq kyoñ kahte ho haq kī taraf dil laao tum

har kūche meñ khaḌe rah rah kar idhar ūdhar dekho ho

haa.e ḳhayāl ye kyā hai tum ko jaane bhī do ab aao tum

faash na kariye rāz-e-mohabbat jāneñ is meñ jaatī haiñ

dard-e-dil āñkhoñ se har-yak ke tā-maqdūr chhupāo tum

qadr-o-qīmat is se ziyāda 'mīr' tumhārī kyā hogī

jis ke ḳhvāhāñ donoñ jahāñ haiñ us ke haath bikāo tum

hum na kaha karte the tum se dil na kisu se lagao tum

ji dena paDta hai is mein aisa na ho pachhtao tum

so na suni tum ne to hamari aankhen lagu hain lag paDiyan

ro ro kar sar dhunte ho ab baiThe ranj uThao tum

sabr kahan jo taskin howe betabi se chain kahan

ek ghaDi mein sau sau bari udhar idhar jao tum

KHwahish-e-dil hai chah kisu ki yahi sabab hai kahish ka

nahaq nahaq kyon kahte ho haq ki taraf dil lao tum

har kuche mein khaDe rah rah kar idhar udhar dekho ho

hae KHayal ye kya hai tum ko jaane bhi do ab aao tum

fash na kariye raaz-e-mohabbat jaanen is mein jati hain

dard-e-dil aankhon se har-yak ke ta-maqdur chhupao tum

qadr-o-qimat is se ziyaada 'mir' tumhaari kya hogi

jis ke KHwahan donon jahan hain us ke hath bikao tum