ishq mein humne jaan-kani ki hai

ishq meñ ham ne jāñ-kanī kī hai

kyā mohabbat ne dushmanī kī hai

kaisī surḳh-o-safed niklī thī

mai magar duḳhtar armanī kī hai

bed sā kyoñ na suukh jā.ūñ maiñ

der majnūñ se ham-fanī kī hai

us pareshān ko nishāna kar

yaar ne jam.a-afganī kī hai

kar diyā ḳhaak āsmāñ ne hameñ

ye bhī himmat isī danī kī hai

takiya vīrāñ faqīr kā bhī ho

yaañ ḳharābī bahut ġhanī kī hai

qāfila luT gayā jo aañsū kā

ishq ne 'mīr' rahzanī kī hai

ishq mein hum ne jaan-kani ki hai

kya mohabbat ne dushmani ki hai

kaisi surKH-o-safed nikli thi

mai magar duKHtar armani ki hai

bed sa kyon na sukh jaun main

der majnun se ham-fani ki hai

us pareshan ko nishana kar

yar ne jama-afgani ki hai

kar diya KHak aasman ne hamein

ye bhi himmat isi dani ki hai

takiya viran faqir ka bhi ho

yan KHarabi bahut ghani ki hai

qafila luT gaya jo aansu ka

ishq ne 'mir' rahzani ki hai