itna kaha na humse tumne kabhu ki aao

itnā kahā na ham se tum ne kabhū ki aao

kaahe ko yuuñ khaḌe ho vahshī se baiTh jaao

ye chāñd ke se TukḌe chhupte nahīñ chhupā.e

har chand apne muñh ko burqe meñ tum chhupāo

do-chār tiir yaaro is se bhalī hai duurī

tum khīñch khīñch mujh ko us palle par na laao

ho sharm aañkh meñ to bhārī jahāz se hai

mat kar ke shoḳh-chashmī āshob sā uThāo

ab aate ho to aao har-lahza jī ghuTe hai

phir lutf kyā jo aa kar aadhā bhī tum na paao

thī sehr yā nigah thī ham aap ko the bhūle

us jādūgar ko yaaro phir bhī tanik dikhāo

baare ga.e so guzre jī bhar bhar aate haiñ kyā

ā.inda 'mīr' sāhib dil mat kahīñ lagāo

itna kaha na hum se tum ne kabhu ki aao

kahe ko yun khaDe ho wahshi se baiTh jao

ye chand ke se TukDe chhupte nahin chhupae

har chand apne munh ko burqe mein tum chhupao

do-chaar tir yaro is se bhali hai duri

tum khinch khinch mujh ko us palle par na lao

ho sharm aankh mein to bhaari jahaz se hai

mat kar ke shoKH-chashmi aashob sa uThao

ab aate ho to aao har-lahza ji ghuTe hai

phir lutf kya jo aa kar aadha bhi tum na pao

thi sehr ya nigah thi hum aap ko the bhule

us jadugar ko yaro phir bhi tanik dikhao

bare gae so guzre ji bhar bhar aate hain kya

aainda 'mir' sahib dil mat kahin lagao