jab biThawen mujhe jallad-e-jafakar ke pas

jab biThāveñ mujhe jallād-e-jafākār ke paas

tū bhī Tuk aan khaḌā ho jo gunahgār ke paas

dard-mandoñ se tumhīñ duur phirā karte ho kuchh

pūchhne varna sabhī aate haiñ bīmār ke paas

chashm-e-mast apnī se sohbat na rakhā kar itnī

baiThiye bhī to bhalā mardum-e-hushiyār ke paas

ḳhanda-o-chashmak-o-harf-o-suḳhan-e-zer-e-labī

kahiye jo ek do afsūn hoñ dildār ke paas

daaġh honā nazar aatā hai diloñ kā āḳhir

ye jo ik ḳhaal paḌā hai tire ruḳhsār ke paas

ḳhat numūdār hue aur bhī dil TuuT ga.e

ye balā niklī na.ī zulf-e-shikan-dār ke paas

dar-e-gulzār pe jaane ke nasīb apne kahāñ

yuuñ hī mariyegā qafas kī kabhū dīvār ke paas

kyā rakhā karte ho ā.īne se sohbat har dam

Tuk kabhū baiTho kisī tālib-e-dīdār ke paas

dil ko yuuñ lete ho khaTkā nahīñ hone paatā

tarbiyat paa.ī hai tum ne kisū ayyār ke paas

morcha jaise lage tung-e-shakar ko aa kar

ḳhat numūdār hai yuuñ la.al-e-shakar-bār ke paas

jis tarah kufr bañdhā hai gale islām kahāñ

yuuñ to tasbīh bhī ham rakhte haiñ zunnār ke paas

ham na kahte the na mil muġhbachoñ se ai zāhid

abhī tasbīh dharī thī tirī dastār ke paas

nā-rasā.ī bhī navishte kī mire duur khiñchī

itnī muddat meñ na pahuñchā koī ḳhat yaar ke paas

iḳhtilāt ek tumheñ 'mīr' hī ġham-kash se nahīñ

jab na tab yuuñ to nazar aate ho do-chār ke paas

jab biThawen mujhe jallad-e-jafakar ke pas

tu bhi Tuk aan khaDa ho jo gunahgar ke pas

dard-mandon se tumhin dur phira karte ho kuchh

puchhne warna sabhi aate hain bimar ke pas

chashm-e-mast apni se sohbat na rakha kar itni

baiThiye bhi to bhala mardum-e-hushiyar ke pas

KHanda-o-chashmak-o-harf-o-suKHan-e-zer-e-labi

kahiye jo ek do afsun hon dildar ke pas

dagh hona nazar aata hai dilon ka aaKHir

ye jo ek KHal paDa hai tere ruKHsar ke pas

KHat numudar hue aur bhi dil TuT gae

ye bala nikli nai zulf-e-shikan-dar ke pas

dar-e-gulzar pe jaane ke nasib apne kahan

yun hi mariyega qafas ki kabhu diwar ke pas

kya rakha karte ho aaine se sohbat har dam

Tuk kabhu baiTho kisi talib-e-didar ke pas

dil ko yun lete ho khaTka nahin hone pata

tarbiyat pai hai tum ne kisu ayyar ke pas

morcha jaise lage tung-e-shakar ko aa kar

KHat numudar hai yun lal-e-shakar-bar ke pas

jis tarah kufr bandha hai gale islam kahan

yun to tasbih bhi hum rakhte hain zunnar ke pas

hum na kahte the na mil mughbachon se ai zahid

abhi tasbih dhari thi teri dastar ke pas

na-rasai bhi nawishte ki mere dur khinchi

itni muddat mein na pahuncha koi KHat yar ke pas

iKHtilat ek tumhein 'mir' hi gham-kash se nahin

jab na tab yun to nazar aate ho do-chaar ke pas