jab tak kaDi uThai gai hum kaDe rahe

jab tak kaḌī uThā.ī ga.ī ham kaḌe rahe

ek ek saḳht baat pe barsoñ aḌe rahe

ab kyā kareñ na sabr hai dil ko na jī meñ taab

kal us galī meñ aaTh pahar ġhash paḌe rahe

vo gul ko ḳhuub kahtī thī maiñ us ke rū ke tiiñ

bulbul se aaj baaġh meñ jhagḌe baḌe rahe

farhād-o-qais saath ke sab kab ke chal base

dekheñ nibāh kyūñke ho ab ham chhaḌe rahe

kis ke ta.iiñ nasīb gul-e-fātiha hue

ham se hazāroñ us kī galī meñ gaḌe rahe

qaaf

barsoñ talak na aañkh milī ham se yaar kī

phir go ki ham ba-sūrat-e-zāhir aḌe rahe

ya.anī ki apne ishq ke hairān-kār 'mīr'

dīvār ke se naqsh dar uupar khaḌe rahe

jab tak kaDi uThai gai hum kaDe rahe

ek ek saKHt baat pe barson aDe rahe

ab kya karen na sabr hai dil ko na ji mein tab

kal us gali mein aaTh pahar ghash paDe rahe

wo gul ko KHub kahti thi main us ke ru ke tin

bulbul se aaj bagh mein jhagDe baDe rahe

farhad-o-qais sath ke sab kab ke chal base

dekhen nibah kyunke ho ab hum chhaDe rahe

kis ke tain nasib gul-e-fatiha hue

hum se hazaron us ki gali mein gaDe rahe

qaf

barson talak na aankh mili hum se yar ki

phir go ki hum ba-surat-e-zahir aDe rahe

yani ki apne ishq ke hairan-kar 'mir'

diwar ke se naqsh dar upar khaDe rahe