jab tak ki tera guzar na howe

jab tak ki tirā guzar na hove

jalva mirī gor par na hove

le teġh-o-sipar ko tū jidhar ho

ḳhurshīd kā muñh udhar na hove

ghar dūd-e-jigar se bhar gayā aah

kab tak mirī chashm tar na hove

rone kī hai jāgah aah kariye

phir dil meñ tire asar na hove

bīmār rahe haiñ us kī āñkheñ

dekho kisū kī nazar na hove

ruktī nahīñ teġh-e-nāla hargiz

jab tak ki jigar sipar na hove

kar be-ḳhabar ik nigah se saaqī

lekin kisū ko ḳhabar na hove

ḳhaste tire mū-e-ambarīñ ke

kyūñkar ji.eñ sabr gar na hove

rakh dekh ke rāh-e-ishq meñ paa.e

yaañ 'mīr' kisū kā sar na hove

jab tak ki tera guzar na howe

jalwa meri gor par na howe

le tegh-o-sipar ko tu jidhar ho

KHurshid ka munh udhar na howe

ghar dud-e-jigar se bhar gaya aah

kab tak meri chashm tar na howe

rone ki hai jagah aah kariye

phir dil mein tere asar na howe

bimar rahe hain us ki aankhen

dekho kisu ki nazar na howe

rukti nahin tegh-e-nala hargiz

jab tak ki jigar sipar na howe

kar be-KHabar ek nigah se saqi

lekin kisu ko KHabar na howe

KHaste tere mu-e-ambarin ke

kyunkar jien sabr gar na howe

rakh dekh ke rah-e-ishq mein pae

yan 'mir' kisu ka sar na howe