junun ka abas mere mazkur hai

junūñ kā abas mere mazkūr hai

javānī divānī hai mash.hūr hai

kaho chashm-e-ḳhūñ-bār ko chashm tum

ḳhudā jaane kab kā ye nāsūr hai

falak par jo mah hai to raushan hai ye

ki muñh se tire nisbat-e-dūr hai

gadā shaah donoñ haiñ dil-bāḳhta

ajab ishq-bāzī kā dastūr hai

qayāmat hai hogā jo raf.a-e-hijāb

na be-maslahat yaar mastūr hai

ham ab nā-tavānoñ ko marnā hai sirf

nahīñ vo ki jiinā bhī manzūr hai

sitam meñ hamārī qasam hai tumheñ

karo sirf jitnā ki maqdūr hai

niyāz apnā jis martabe meñ hai yaañ

usī martabe meñ vo maġhrūr hai

huā haal bande kā go kuchh ḳharāb

ḳhudā.ī abhī us kī māmūr hai

gayā shāyad us sham.a-rū kā ḳhayāl

ki ab 'mīr' ke muñh pe kuchh nuur hai

junun ka abas mere mazkur hai

jawani diwani hai mashhur hai

kaho chashm-e-KHun-bar ko chashm tum

KHuda jaane kab ka ye nasur hai

falak par jo mah hai to raushan hai ye

ki munh se tere nisbat-e-dur hai

gada shah donon hain dil-baKHta

ajab ishq-bazi ka dastur hai

qayamat hai hoga jo rafa-e-hijab

na be-maslahat yar mastur hai

hum ab na-tawanon ko marna hai sirf

nahin wo ki jina bhi manzur hai

sitam mein hamari qasam hai tumhein

karo sirf jitna ki maqdur hai

niyaz apna jis martabe mein hai yan

usi martabe mein wo maghrur hai

hua haal bande ka go kuchh KHarab

KHudai abhi us ki mamur hai

gaya shayad us shama-ru ka KHayal

ki ab 'mir' ke munh pe kuchh nur hai