kabe ke dar pe the hum ya dair mein dar aae

ka.abe ke dar pe the ham yā dair meñ dar aa.e

āvārgī to dekho kīdhar se kīdhar aa.e

dīvāngī hai merī ab ke koī tamāshā

rahte haiñ ghere mujh ko kyā apne kyā parā.e

paak ab huī hai kushtī ham ko jo ishq se thī

ohde se us balā ke kab nā-tavāñ bar aa.e

vus.at bayāñ karūñ kyā dāmān-e-chashm-e-tar kī

rone se mere kyā kyā abr-e-siyah tar aa.e

aa ham-nashīñ bane to aaj un kane bhī chaliye

kahte haiñ 'mīr' sāhib muddat meñ kal ghar aa.e

kabe ke dar pe the hum ya dair mein dar aae

aawargi to dekho kidhar se kidhar aae

diwangi hai meri ab ke koi tamasha

rahte hain ghere mujh ko kya apne kya parae

pak ab hui hai kushti hum ko jo ishq se thi

ohde se us bala ke kab na-tawan bar aae

wusat bayan karun kya daman-e-chashm-e-tar ki

rone se mere kya kya abr-e-siyah tar aae

aa ham-nashin bane to aaj un kane bhi chaliye

kahte hain 'mir' sahib muddat mein kal ghar aae