kaam pal mein mera tamam kiya

kaam pal meñ mirā tamām kiyā

ġharaz us shoḳh ne bhī kaam kiyā

sarv-o-shamshād ḳhaak meñ mil ga.e

tū ne gulshan meñ kyoñ ḳhirām kiyā

qaaf

sa'ī-e-tauf-e-haram na kī hargiz

āstāñ par tire maqām kiyā

tere kūche ke rahne vāloñ ne

yahīñ se ka.abe ko salām kiyā

us ke ayyār-pan ne mere ta.iiñ

ḳhādim-o-banda-o-ġhulām kiyā

hāl-e-bad meñ mire ba-tang aa kar

aap ko sab meñ nek-nām kiyā

duḳhtar-e-raz se kyā thā mere ta.iiñ

shaiḳh kī zid pe maiñ harām kiyā

qaaf

ho gayā dil mirā tabarruk jab

vird ye qit.a-e-payām kiyā

''dillī ke kaj-kulāh laḌkoñ ne

kaam ushshāq kā tamām kiyā

koī āshiq nazar nahīñ aatā

Topī vāloñ ne qatl-e-ām kiyā''

ishq-e-ḳhūbāñ ko 'mīr' maiñ apnā

qibla-o-ka.aba-o-imām kiyā

kaam pal mein mera tamam kiya

gharaz us shoKH ne bhi kaam kiya

sarw-o-shamshad KHak mein mil gae

tu ne gulshan mein kyon KHiram kiya

qaf

sa'i-e-tauf-e-haram na ki hargiz

aastan par tere maqam kiya

tere kuche ke rahne walon ne

yahin se kabe ko salam kiya

us ke ayyar-pan ne mere tain

KHadim-o-banda-o-ghulam kiya

haal-e-bad mein mere ba-tang aa kar

aap ko sab mein nek-nam kiya

duKHtar-e-raz se kya tha mere tain

shaiKH ki zid pe main haram kiya

qaf

ho gaya dil mera tabarruk jab

wird ye qita-e-payam kiya

dilli ke kaj-kulah laDkon ne

kaam ushshaq ka tamam kiya

koi aashiq nazar nahin aata

Topi walon ne qatl-e-am kiya

ishq-e-KHuban ko 'mir' main apna

qibla-o-kaba-o-imam kiya