kahin aag aah-e-sozinda na chhati mein laga deve

kahīñ aag āh-e-sozinda na chhātī meñ lagā deve

ḳhabar hote hī hote dil jigar donoñ jalā deve

bahut ro.e hamāre dīda-e-tar ab nahīñ khulte

matā’-e-āb-dīda hai koī is ko havā deve

tumhāre paañv ghar jaane ko ‘āshiq ke nahīñ uThte

tum aao to tumheñ āñkhoñ pe sar par apne jā deve

dalīl-e-gum-rahī hai ḳhizr jo miltā hai jangal meñ

phire hai aaphī bhūlā kyā hameñ rasta batā deve

ga.e hī jī ke faisal ho niyāz-o-nāz kā jhagḌā

kahīñ vo teġh khīñche bhī ki banda sar jhukā deve

laḌā.ī hī rahī rozoñ meñ bāham be-dimāġhī se

gale se us ke ham ko 'iid ab shāyad milā deve

huā maiñ 'mīr' jo us but se saa.il bosa-e-lab kā

lagā kahne zarāfat se ki shah sāhib ḳhudā deve

kahin aag aah-e-sozinda na chhati mein laga dewe

KHabar hote hi hote dil jigar donon jala dewe

bahut roe hamare dida-e-tar ab nahin khulte

mata’-e-ab-dida hai koi is ko hawa dewe

tumhaare panw ghar jaane ko ‘ashiq ke nahin uThte

tum aao to tumhein aankhon pe sar par apne ja dewe

dalil-e-gum-rahi hai KHizr jo milta hai jangal mein

phire hai aaphi bhula kya hamein rasta bata dewe

gae hi ji ke faisal ho niyaz-o-naz ka jhagDa

kahin wo tegh khinche bhi ki banda sar jhuka dewe

laDai hi rahi rozon mein baham be-dimaghi se

gale se us ke hum ko 'id ab shayad mila dewe

hua main 'mir' jo us but se sail bosa-e-lab ka

laga kahne zarafat se ki shah sahib KHuda dewe