karihush-shakl haiat aan kar aisi nahin dekhi

karīhush-shakl hai.at aan kar aisī nahīñ dekhī

ki sūrat āsmāñ kī dekh kar maiñ ne zamīñ dekhī

kabhū dekhoge tum jo vo tarah-dār is taraf aaya

tarah-tarkīb aisī ham ne ab tak to nahīñ dekhī

mah-e-yak-hafta dilkash is qadar kaahe ko hotā hai

karūñ huuñ shukr ke sajde ki maiñ ne vo jabīñ dekhī

kahāñ vo tarz-e-kīñ us kī kahāñ chīn-e-jabīñ us kī

lagā kar bārhā us shoḳh se tasvīr-e-chīñ dekhī

garebāñ phaaḌ Dāleñ dekh kar dāman-kashāñ us ko

phaTe ḳhirqe bahut jo chaak kī vo āstīñ dekhī

tire bīmār kī bālīñ pe jā kar ham bahut ro.e

balā hasrat ke saath us kī nigāh-e-vāpsīñ dekhī

nazar us kī hayā se 'mīr' pusht-e-pā par aksar hai

kinhoñ ne kaahe ko us kī sī chashm-e-sharmgīñ dekhī

karihush-shakl haiat aan kar aisi nahin dekhi

ki surat aasman ki dekh kar main ne zamin dekhi

kabhu dekhoge tum jo wo tarah-dar is taraf aaya

tarah-tarkib aisi hum ne ab tak to nahin dekhi

mah-e-yak-hafta dilkash is qadar kahe ko hota hai

karun hun shukr ke sajde ki main ne wo jabin dekhi

kahan wo tarz-e-kin us ki kahan chin-e-jabin us ki

laga kar barha us shoKH se taswir-e-chin dekhi

gareban phaD Dalen dekh kar daman-kashan us ko

phaTe KHirqe bahut jo chaak ki wo aastin dekhi

tere bimar ki baalin pe ja kar hum bahut roe

bala hasrat ke sath us ki nigah-e-wapsin dekhi

nazar us ki haya se 'mir' pusht-e-pa par aksar hai

kinhon ne kahe ko us ki si chashm-e-sharmgin dekhi