kaT kar girenge rah mein mushtaq alaf se

kaT kar gireñge raah meñ mushtāq 'alaf se

muTh-beḌ agar ho ga.ī us teġh-ba-kaf se

jaatā hai koī dasht-e-arab ko jo bagūlā

kah duuñ huuñ duā majnūñ ko maiñ apnī taraf se

dariyā thā magar aag kā dariyā-e-ġham-e-ishq

sab aable haiñ mere darūne meñ sadaf se

dil aur jigar ye to jale ātish-e-ġham meñ

jī kyūñke bachā.ūñ kaho is aag kī taf se

shab us ke sag-e-kū ne hameñ paas biThāyā

ham apne ta.iiñ duur na kyoñ khīñcheñ sharaf se

chhātī meñ bharī aag hai kyā jis se shab-o-roz

chingāriyāñ girtī haiñ mirī palkoñ kī saf se

ai 'mīr' gadā.ī karūñ darvāze kī us ke

māñgūñ huuñ yahī aaTh pahar shāh-e-najaf se

kaT kar girenge rah mein mushtaq 'alaf se

muTh-beD agar ho gai us tegh-ba-kaf se

jata hai koi dasht-e-arab ko jo bagula

kah dun hun dua majnun ko main apni taraf se

dariya tha magar aag ka dariya-e-gham-e-ishq

sab aable hain mere darune mein sadaf se

dil aur jigar ye to jale aatish-e-gham mein

ji kyunke bachaun kaho is aag ki taf se

shab us ke sag-e-ku ne hamein pas biThaya

hum apne tain dur na kyon khinchen sharaf se

chhati mein bhari aag hai kya jis se shab-o-roz

chingariyan girti hain meri palkon ki saf se

ai 'mir' gadai karun darwaze ki us ke

mangun hun yahi aaTh pahar shah-e-najaf se