KHub kiya jo ahl-e-karam ke jud ka kuchh na KHayal kiya

ḳhuub kiyā jo ahl-e-karam ke juud kā kuchh na ḳhayāl kiyā

ham jo faqīr hue to ham ne pahle tark-e-savāl kiyā

rauñd ke jaur se un ne ham ko paañv hinā.ī apne kiye

ḳhuun hamārā bismil-gah meñ kin rangoñ pāmāl kiyā

nikle hai gar ghaas jalī bhī ḳhaak se ulfat kushtoñ kī

ye bālīda sipahr phire hai goyā in ne nihāl kiyā

dil jo hamārā ḳhuun huā thā ranj-o-alam meñ guzrī hameñ

ya.anī mātam us rafta kā ham ne māh-o-sāl kiyā

'mīr' sadā behāl raho ho mehr-o-vafā sab karte haiñ

tum ne ishq kiyā so sāhib kyā ye apnā haal kiyā

KHub kiya jo ahl-e-karam ke jud ka kuchh na KHayal kiya

hum jo faqir hue to hum ne pahle tark-e-sawal kiya

raund ke jaur se un ne hum ko panw hinai apne kiye

KHun hamara bismil-gah mein kin rangon pamal kiya

nikle hai gar ghas jali bhi KHak se ulfat kushton ki

ye baalida sipahr phire hai goya in ne nihaal kiya

dil jo hamara KHun hua tha ranj-o-alam mein guzri hamein

yani matam us rafta ka hum ne mah-o-sal kiya

'mir' sada behaal raho ho mehr-o-wafa sab karte hain

tum ne ishq kiya so sahib kya ye apna haal kiya