خوب کیا جو اہل کرم کے جود کا کچھ نہ خیال کیا

خوب کیا جو اہل کرم کے جود کا کچھ نہ خیال کیا

ہم جو فقیر ہوئے تو ہم نے پہلے ترک سوال کیا

روند کے جور سے ان نے ہم کو پاؤں حنائی اپنے کیے

خون ہمارا بسمل گہ میں کن رنگوں پامال کیا

نکلے ہے گر گھاس جلی بھی خاک سے الفت کشتوں کی

یہ بالیدہ سپہر پھرے ہے گویا ان نے نہال کیا

دل جو ہمارا خون ہوا تھا رنج و الم میں گزری ہمیں

یعنی ماتم اس رفتہ کا ہم نے ماہ و سال کیا

میرؔ سدا بے حال رہو ہو مہر و وفا سب کرتے ہیں

تم نے عشق کیا سو صاحب کیا یہ اپنا حال کیا