kya chale jate hain jahan se log

kyā chale jaate haiñ jahān se log

magar aa.e the mehmān se log

qahr hai baat baat par gaalī

jāñ-ba-lab haiñ tirī zabān se log

shahr meñ ghar ḳharāb hai apnā

aate haiñ yaañ ab is nishān se log

ek gardish meñ haiñ barābar ḳhaak

kyā jhagaḌte haiñ āsmān se log

dard-e-dil un ne kab sunā merā

lage rahte haiñ us ke kaan se log

baav se bhī lachak lahak hai unheñ

haiñ yahī sabze dhān-pān se log

shauq meñ tiir se chale ūdhar

ham ḳhamīda-qadāñ kamān se log

aadmī ab nahīñ jahāñ meñ 'mīr'

uTh ga.e is bhī kārvān se log

kya chale jate hain jahan se log

magar aae the mehman se log

qahr hai baat baat par gali

jaan-ba-lab hain teri zaban se log

shahr mein ghar KHarab hai apna

aate hain yan ab is nishan se log

ek gardish mein hain barabar KHak

kya jhagaDte hain aasman se log

dard-e-dil un ne kab suna mera

lage rahte hain us ke kan se log

baw se bhi lachak lahak hai unhen

hain yahi sabze dhan-pan se log

shauq mein tir se chale udhar

hum KHamida-qadan kaman se log

aadmi ab nahin jahan mein 'mir'

uTh gae is bhi karwan se log