kya kahiye apne ahd mein jitne amir the

kyā kahiye apne ahd meñ jitne amiir the

TukḌe pe jaan dete the saare faqīr the

dil meñ girah havas rahī parvāz-e-bāġh kī

mausam guloñ kā jab ta.iiñ thā ham asiir the

barnā.ī hī meñ tum se sharārat nahīñ huī

laḌke se bhī the tum to qayāmat-sharīr the

ārā.ish-e-badan na huī faqr meñ bhī kam

jāgah utū kī jaame pe naqsh-e-hasīr the

āñkhoñ meñ ham kisū kī na aa.e jahān meñ

az-bas-ki 'mīr' ishq se ḳhushk-o-haqīr the

kya kahiye apne ahd mein jitne amir the

TukDe pe jaan dete the sare faqir the

dil mein girah hawas rahi parwaz-e-bagh ki

mausam gulon ka jab tain tha hum asir the

barnai hi mein tum se shararat nahin hui

laDke se bhi the tum to qayamat-sharir the

aaraish-e-badan na hui faqr mein bhi kam

jagah utu ki jame pe naqsh-e-hasir the

aankhon mein hum kisu ki na aae jahan mein

az-bas-ki 'mir' ishq se KHushk-o-haqir the