kya karen bekas hain hum bebas hain hum be-ghar hain hum

kyā kareñ bekas haiñ ham bebas haiñ ham be-ghar haiñ ham

kyūñkar uḌ kar pahuñcheñ us tak tā.ir-e-be-par haiñ ham

sar na bālīñ se uThāveñ kāshke bīmār-e-'ishq

hogā yak hangāma barpā fitna zer-e-sar haiñ ham

sau taraf le jaatī hai ham ko pareshāñ-ḳhātirī

yaañ kise DhūñDo ho tum kyā jāniye kīdhar haiñ ham

gar na ro.eñ kyā kareñ har chār-sū hai bekasī

be-dil-o-be-tāqat-o-be-dīn-o-be-dil-bar haiñ ham

vo jo rashk-e-mah kabhī is raah se niklā na 'mīr'

ham na rakhte the sitāra yā'nī bad-aḳhtar haiñ ham

kya karen bekas hain hum bebas hain hum be-ghar hain hum

kyunkar uD kar pahunchen us tak tair-e-be-par hain hum

sar na baalin se uThawen kashke bimar-e-'ishq

hoga yak hangama barpa fitna zer-e-sar hain hum

sau taraf le jati hai hum ko pareshan-KHatiri

yan kise DhunDo ho tum kya jaaniye kidhar hain hum

gar na roen kya karen har chaar-su hai bekasi

be-dil-o-be-taqat-o-be-din-o-be-dil-bar hain hum

wo jo rashk-e-mah kabhi is rah se nikla na 'mir'

hum na rakhte the sitara ya'ni bad-aKHtar hain hum