کیا کریں بیکس ہیں ہم بے بس ہیں ہم بے گھر ہیں ہم

کیا کریں بیکس ہیں ہم بے بس ہیں ہم بے گھر ہیں ہم

کیوں کر اڑ کر پہنچیں اس تک طائر بے پر ہیں ہم

سر نہ بالیں سے اٹھاویں کاشکے بیمار عشق

ہوگا یک ہنگامہ برپا فتنہ زیر سر ہیں ہم

سو طرف لے جاتی ہے ہم کو پریشاں خاطری

یاں کسے ڈھونڈو ہو تم کیا جانیے کیدھر ہیں ہم

گر نہ روئیں کیا کریں ہر چار سو ہے بیکسی

بیدل و بے طاقت و بے دین و بے دلبر ہیں ہم

وہ جو رشک مہ کبھی اس راہ سے نکلا نہ میرؔ

ہم نہ رکھتے تھے ستارہ یعنی بد اختر ہیں ہم