kya KHat likhun main rone se fursat nahin rahi
kyā ḳhat likhūñ maiñ rone se fursat nahīñ rahī
likhtā huuñ to phire hai kitābat bahī bahī
maidān-e-ġham meñ qatl huī ārzū-e-vasl
thī apne ḳhāndān-e-tamanna meñ ik yahī
apnā likhā hai yaad mujhe merī baat bhuul
qāsid ne jā ke yaar se kuchh aur hī kahī
shab shor karne meñ jo samājat kī tang ho
kahne lagā ki maaro ise ye to hai vahī
mat bah namak-harām tū dāġhoñ se saaz kar
ai zaḳhm-e-kohnā 'mīr' kī ḳhātir hī yuuñ sahī
kya KHat likhun main rone se fursat nahin rahi
likhta hun to phire hai kitabat bahi bahi
maidan-e-gham mein qatl hui aarzu-e-wasl
thi apne KHandan-e-tamanna mein ek yahi
apna likha hai yaad mujhe meri baat bhul
qasid ne ja ke yar se kuchh aur hi kahi
shab shor karne mein jo samajat ki tang ho
kahne laga ki maro ise ye to hai wahi
mat bah namak-haram tu daghon se saz kar
ai zaKHm-e-kohna 'mir' ki KHatir hi yun sahi
- Book : MIRIYAAT - Diwan No- 5, Ghazal No- 1732
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
