kya kya humne ranj uThae kya kya hum bhi shakeba the

kyā kyā ham ne ranj uThā.e kyā kyā ham bhī shakebā the

do din jūñ-tūñ jiite rahe so marne hī ke muhayyā the

ishq kiyā so bāteñ banā.īñ ya.anī sher shi.ār huā

baiteñ jo ve mash.hūr huiiñ to shahroñ shahroñ rusvā the

kyā pagḌī ko pher ke rakhte kyā sar nīche na hotā thā

lutf nahīñ ab kyā kahiye kuchh aage ham bhī kyā kyā the

ab ke visāl qarār diyā hai hijr hī kī sī hālat hai

ek samayñ meñ dil bejā thā to bhī ham ve yakjā the

kyā hotā jo paas apne ai 'mīr' kabhū ve aa jaate

āshiq the darvesh the āḳhir bekas bhī the tanhā the

kya kya hum ne ranj uThae kya kya hum bhi shakeba the

do din jun-tun jite rahe so marne hi ke muhayya the

ishq kiya so baaten banain yani sher shiar hua

baiten jo we mashhur huin to shahron shahron ruswa the

kya pagDi ko pher ke rakhte kya sar niche na hota tha

lutf nahin ab kya kahiye kuchh aage hum bhi kya kya the

ab ke visal qarar diya hai hijr hi ki si haalat hai

ek samayn mein dil beja tha to bhi hum we yakja the

kya hota jo pas apne ai 'mir' kabhu we aa jate

aashiq the darwesh the aaKHir bekas bhi the tanha the