kya tarah hai yan jo aae ho to sharmae hue

kyā tarah hai yaañ jo aa.e ho to sharmā.e hue

baat maḳhfī kahte ho ġhusse se jhunjhlā.e hue

us mire nau-bāva-e-gulzār-e-ḳhūbī ke huzūr

aur ḳhūbāñ juuñ ḳhizāñ ke gul haiñ murjhā.e hue

chhup ke dekhā ham-rahāñ ne us ko so ġhash aa gayā

haif be-ḳhud ho ga.e ham phir ba-ḳhud aa.e hue

har zamāñ le le uTho ho teġh baiThā mujh ko dekh

aa.e ho mastāna kis dushman ke bahkā.e hue

ghar meñ jī lagtā nahīñ us bin to ham ho kar udaas

duur jaate haiñ nikal hijrāñ se ghabrā.e hue

ek din mū-e-darāz us ke kahīñ dekhe the maiñ

haiñ gale ke haar ab ve baal bal khaa.e hue

dushmanī se sāya-e-āshiq ko jo maare hai tiir

us kamāñ-abrū ke jā kar 'mīr' hamsā.e hue

kya tarah hai yan jo aae ho to sharmae hue

baat maKHfi kahte ho ghusse se jhunjhlae hue

us mere nau-bawa-e-gulzar-e-KHubi ke huzur

aur KHuban jun KHizan ke gul hain murjhae hue

chhup ke dekha ham-rahan ne us ko so ghash aa gaya

haif be-KHud ho gae hum phir ba-KHud aae hue

har zaman le le uTho ho tegh baiTha mujh ko dekh

aae ho mastana kis dushman ke bahkae hue

ghar mein ji lagta nahin us bin to hum ho kar udas

dur jate hain nikal hijran se ghabrae hue

ek din mu-e-daraaz us ke kahin dekhe the main

hain gale ke haar ab we baal bal khae hue

dushmani se saya-e-ashiq ko jo mare hai tir

us kaman-abru ke ja kar 'mir' hamsae hue