mir-e-gum-karda-chaman zamzama-pardaz hai ek
'mīr'-e-gum-karda-chaman zamzama-pardāz hai ek
jis kī lai daam se tā-gosh-e-gul āvāz hai ek
kuchh ho ai murġh-e-qafas lutf na jaave us se
nauha yā naala har ik baat kā andāz hai ek
nā-tavānī se nahīñ bāl-fishānī kā dimāġh
varna tā-bāġh qafas se mirī parvāz hai ek
gosh ko hosh ke Tuk khol ke sun shor-e-jahāñ
sab kī āvāz ke parde meñ suḳhan-sāz hai ek
chāhe jis shakl se timsāl-sifat is meñ dar aa
aalam ā.īne ke mānind dar-e-bāz hai ek
'mir'-e-gum-karda-chaman zamzama-pardaz hai ek
jis ki lai dam se ta-gosh-e-gul aawaz hai ek
kuchh ho ai murgh-e-qafas lutf na jawe us se
nauha ya nala har ek baat ka andaz hai ek
na-tawani se nahin baal-fishani ka dimagh
warna ta-bagh qafas se meri parwaz hai ek
gosh ko hosh ke Tuk khol ke sun shor-e-jahan
sab ki aawaz ke parde mein suKHan-saz hai ek
chahe jis shakl se timsal-sifat is mein dar aa
aalam aaine ke manind dar-e-baz hai ek
- Book : MIRIYAAT - Diwan No- 1, Ghazal No- 0256
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.