mujh zar ne kya garmi-e-bazar se paya

mujh zaar ne kyā garmī-e-bāzār se paayā

kibrīt-namat jin ne liyā mujh ko jalāyā

betāb tah-e-teġh-e-sitam der rahā maiñ

jab tak na ga.ī jaan mujhe sabr na aayā

jaanā falak-e-dūñ ne ki sarsabz huā maiñ

gar ḳhaak se sabza koī pazhmurda ugāyā

us ruḳh ne bahut sūrateñ logoñ kī bigāḌīñ

us qad ne qayāmat kā sā hangāma uThāyā

mat rāh-e-suḳhan de ki phir aaphī tū kahegā

kyoñ maiñ ne mohabbat ke 'abas muñh ko khulāyā

har-chand ki thī rījhne kī jaa.e tire lab

par gāliyāñ diiñ itnī unhoñ se ki rijhāyā

gardish meñ rahā karte haiñ ham diid meñ un kī

āñkhoñ ne tirī ḳhuub samāñ ham ko dikhāyā

kis roz ye andoh-e-jigar-soz thā aage

kab shab lab o yā-rab thī mirī yūñhī ḳhudāyā

din jī ke ulajhne ke hī jhagḌe meñ kaTe hai

raat us ke ḳhayālāt se rahte haiñ qazāyā

kyā kahiye dimāġh us kā ki gul-gasht meñ kal 'mīr'

gul shāḳhoñ se jhuk aa.e the par muñh na lagāyā

mujh zar ne kya garmi-e-bazar se paya

kibrit-namat jin ne liya mujh ko jalaya

betab tah-e-tegh-e-sitam der raha main

jab tak na gai jaan mujhe sabr na aaya

jaana falak-e-dun ne ki sarsabz hua main

gar KHak se sabza koi pazhmurda ugaya

us ruKH ne bahut suraten logon ki bigaDin

us qad ne qayamat ka sa hangama uThaya

mat rah-e-suKHan de ki phir aaphi tu kahega

kyon main ne mohabbat ke 'abas munh ko khulaya

har-chand ki thi rijhne ki jae tere lab

par galiyan din itni unhon se ki rijhaya

gardish mein raha karte hain hum did mein un ki

aankhon ne teri KHub saman hum ko dikhaya

kis roz ye andoh-e-jigar-soz tha aage

kab shab lab o ya-rab thi meri yunhi KHudaya

din ji ke ulajhne ke hi jhagDe mein kaTe hai

raat us ke KHayalat se rahte hain qazaya

kya kahiye dimagh us ka ki gul-gasht mein kal 'mir'

gul shaKHon se jhuk aae the par munh na lagaya