nahin hai tab tanik tum bhi mat itab karo

nahīñ hai taab tanik tum bhī mat itaab karo

na garm ho ke bahut aag ho ke aab karo

tumhāre aks se bhī aks mujh ko rashk se hai

na dekho ā.īna muñh se mire hijāb karo

ḳharāb-e-ishq tū sar-gashta huuñ hī maiñ tum bhī

phirā phirā ke mujhe galiyoñ meñ ḳharāb karo

kahā thā tum ne ki har harf par hai bosa-e-lab

jo bāteñ kī haiñ to ab qarz kā hisāb karo

qaaf

huā hai ahl-e-masājid pe kaam az-bas tang

na shab ko jāgte rahne kā iztirāb karo

ḳhudā cream hai us ke karam se rakh kar chashm

darāz khīñcho kisū mai-kade meñ ḳhvāb karo

jahāñ meñ der nahīñ lagtī āñkheñ muñdte 'mīr'

tumheñ to chāhiye har kaam meñ shitāb karo

nahin hai tab tanik tum bhi mat itab karo

na garm ho ke bahut aag ho ke aab karo

tumhaare aks se bhi aks mujh ko rashk se hai

na dekho aaina munh se mere hijab karo

KHarab-e-ishq tu sar-gashta hun hi main tum bhi

phira phira ke mujhe galiyon mein KHarab karo

kaha tha tum ne ki har harf par hai bosa-e-lab

jo baaten ki hain to ab qarz ka hisab karo

qaf

hua hai ahl-e-masajid pe kaam az-bas tang

na shab ko jagte rahne ka iztirab karo

KHuda cream hai us ke karam se rakh kar chashm

daraaz khincho kisu mai-kade mein KHwab karo

jahan mein der nahin lagti aankhen mundte 'mir'

tumhein to chahiye har kaam mein shitab karo