nahin wo qaid ulfat mein giraftari ko kya jaane

nahīñ vo qaid ulfat meñ giraftārī ko kyā jaane

takalluf-bar-taraf be-mehr hai yaarī ko kyā jaane

vahī ik mundaris naala mubārak murġh-e-gulshan ko

vo is tarkīb-e-nau kī nāla-o-zārī ko kyā jaane

paḌe āsūdgān-e-ḳhāk chauñko shor-e-mahshar se

marā jo koī be-ḳhud hai vo hushyārī ko kyā jaane

sitam hai terī ḳhū-e-ḳhashmagīñ par Tuk bhī dil-jūī

dil-āzārī kī bāteñ kar tū dildārī ko kyā jaane

gila apnī jafā kā sun ke mat āzurda ho zālim

nahīñ tohmat hai tujh par tū jafā-kārī ko kyā jaane

pareshāñ fauj-fauj-e-laḳht-e-dil nikle hai āñkhoñ se

nipaT nādāñ hai

tirā ibrām us kī sādgī par 'mīr' maiñ maanā

bhalā aisā jo nādāñ ho vo ‘ayyārī ko kyā jaane

nahin wo qaid ulfat mein giraftari ko kya jaane

takalluf-bar-taraf be-mehr hai yari ko kya jaane

wahi ek mundaris nala mubarak murgh-e-gulshan ko

wo is tarkib-e-nau ki nala-o-zari ko kya jaane

paDe aasudgan-e-KHak chaunko shor-e-mahshar se

mara jo koi be-KHud hai wo hushyari ko kya jaane

sitam hai teri KHu-e-KHashmagin par Tuk bhi dil-jui

dil-azari ki baaten kar tu dildari ko kya jaane

gila apni jafa ka sun ke mat aazurda ho zalim

nahin tohmat hai tujh par tu jafa-kari ko kya jaane

pareshan fauj-fauj-e-laKHt-e-dil nikle hai aankhon se

nipaT nadan hai

tera ibram us ki sadgi par 'mir' main mana

bhala aisa jo nadan ho wo ‘ayyari ko kya jaane