nikle hai ji ka rasta aawaz ki rukan se

nikle hai jī kā rasta āvāz kī rukan se

āzurda ho na bulbul jaate haiñ ham chaman se

jī ġhash kare hai ab to raftār dekh us kī

dekheñ nibhe hai apnī kis taur us chalan se

gar us kī or koī garmī se dekhtā hai

ik aag lag uThe hai apne to tan-badan se

rangīñ-ḳhirāmī kyā kyā letī hai khīñch dil ko

kyā naqsh-e-pā ko us ke nisbat gul-o-saman se

din-rāt gāh-o-be-gah jab dekho haiñ safar meñ

ham kis ghaḌī vidā.ī yā-rab hue vatan se

dil-soḳhta huuñ mujh ko taklīf-e-harf mat kar

ik aag kī lapaT sī nikle hai har suḳhan se

dil kā asiir honā jī 'mīr' jāntā hai

kyā pech-pāch dekhe us zulf-e-pur-shikan se

nikle hai ji ka rasta aawaz ki rukan se

aazurda ho na bulbul jate hain hum chaman se

ji ghash kare hai ab to raftar dekh us ki

dekhen nibhe hai apni kis taur us chalan se

gar us ki or koi garmi se dekhta hai

ek aag lag uThe hai apne to tan-badan se

rangin-KHirami kya kya leti hai khinch dil ko

kya naqsh-e-pa ko us ke nisbat gul-o-saman se

din-raat gah-o-be-gah jab dekho hain safar mein

hum kis ghaDi widai ya-rab hue watan se

dil-soKHta hun mujh ko taklif-e-harf mat kar

ek aag ki lapaT si nikle hai har suKHan se

dil ka asir hona ji 'mir' jaanta hai

kya pech-pach dekhe us zulf-e-pur-shikan se