rahte the hum we aaTh pahar ya to pas pas

rahte the ham ve aaTh pahar yā to paas paas

yā ab phaTak nahīñ hai kahīñ un ke ās-pās

tā log bad-gumāñ na hoñ aa.e na us kī or

ham to kiyā hai ishq meñ dūr-az-qayās paas

gir hī paḌe jo dekhe hai tinkā bhī gar kahīñ

maaya nahīñ hai kuchh falak-e-be-sipās paas

shaiḳh un laboñ ke bose ko is riish se na jhak

rakhtā hai kaun ātish-e-sozinda ghaas paas

tum ne to qadr kī hai matā-e-vafā kī ḳhuub

becheñge ab ye jins kisū dil-shanās paas

ālūda kar na mastī se jaame ko jism ke

hushiyār rah ye āriyatī hai libās paas

vahshī hai 'mīr' rabt hai us se ḳhilāf-e-aql

baiThe so jā ke kyā koī aise udaas paas

rahte the hum we aaTh pahar ya to pas pas

ya ab phaTak nahin hai kahin un ke aas-pas

ta log bad-guman na hon aae na us ki or

hum to kiya hai ishq mein dur-az-qayas pas

gir hi paDe jo dekhe hai tinka bhi gar kahin

maya nahin hai kuchh falak-e-be-sipas pas

shaiKH un labon ke bose ko is rish se na jhak

rakhta hai kaun aatish-e-sozinda ghas pas

tum ne to qadr ki hai mata-e-wafa ki KHub

bechenge ab ye jins kisu dil-shanas pas

aaluda kar na masti se jame ko jism ke

hushiyar rah ye aariyati hai libas pas

wahshi hai 'mir' rabt hai us se KHilaf-e-aql

baiThe so ja ke kya koi aise udas pas