sab sharm-e-jabin-e-yar se pani hai

sab sharm-e-jabīn-e-yār se paanī hai

har-chand ki gul shagufta-peshānī hai

samjhe na ki bāzīcha-e-atfāl hue

laḌkoñ se mulāqāt hī nādānī hai

juuñ aa.ina sāmne khaḌā huuñ ya.anī

ḳhūbī se tire chehre kī hairānī hai

ḳhat likhte jo ḳhūñ-fishāñ the ham un ne kahā

kāġhaz jo likhe hai ab so afshānī hai

dozaḳh meñ huuñ jaltī jo rahe hai chhātī

dil-soḳhtakī azāb-e-rūhānī hai

minnat kī bahut to un ne do harf kahe

sau barsoñ meñ ik baat mirī maanī hai

kal sail sā joshāñ jo idhar aaya 'mīr'

sab bole ki ye faqīr-e-sailānī hai

sab sharm-e-jabin-e-yar se pani hai

har-chand ki gul shagufta-peshani hai

samjhe na ki bazicha-e-atfal hue

laDkon se mulaqat hi nadani hai

jun aaina samne khaDa hun yani

KHubi se tere chehre ki hairani hai

KHat likhte jo KHun-fishan the hum un ne kaha

kaghaz jo likhe hai ab so afshani hai

dozaKH mein hun jalti jo rahe hai chhati

dil-soKHtaki azab-e-ruhani hai

minnat ki bahut to un ne do harf kahe

sau barson mein ek baat meri mani hai

kal sail sa joshan jo idhar aaya 'mir'

sab bole ki ye faqir-e-sailani hai