سب شرم جبین یار سے پانی ہے

سب شرم جبین یار سے پانی ہے

ہرچند کہ گل شگفتہ پیشانی ہے

سمجھے نہ کہ بازیچۂ اطفال ہوئے

لڑکوں سے ملاقات ہی نادانی ہے

جوں آئنہ سامنے کھڑا ہوں یعنی

خوبی سے ترے چہرے کی حیرانی ہے

خط لکھتے جو خوں فشاں تھے ہم ان نے کہا

کاغذ جو لکھے ہے اب سو افشانی ہے

دوزخ میں ہوں جلتی جو رہے ہے چھاتی

دل سوختگی عذاب روحانی ہے

منت کی بہت تو ان نے دو حرف کہے

سو برسوں میں اک بات مری مانی ہے

کل سیل سا جوشاں جو ادھر آیا میرؔ

سب بولے کہ یہ فقیر سیلانی ہے