sainkaDon bekason ka jaan gaya

saiñkaḌoñ bekasoñ kā jaan gayā

par ye terā na imtihān gayā

vaa.e ahvāl us jafā-kash kā

āshiq apnā jise vo jaan gayā

dāġh-e-hirmāñ hai ḳhaak meñ bhī saath

jī gayā par na ye nishān gayā

kal na aane meñ ek yaañ tere

aaj sau sau taraf gumān gayā

harf-nashino koī use bhī milā

tab to maiñ ne kahā so maan gayā

dil se mat jā ki phir vo pachhtāyā

haath se jis ke ye makān gayā

qaaf

phirte phirte talāsh meñ us kī

ek merā hī yuuñ na jaan gayā

ab jo iisā falak pe hai vo bhī

shauq meñ barsoñ ḳhaak chhān gayā

kaun jī se na jā.egā ai 'mīr'

haif ye hai ki tū javān gayā

sainkaDon bekason ka jaan gaya

par ye tera na imtihan gaya

wae ahwal us jafa-kash ka

aashiq apna jise wo jaan gaya

dagh-e-hirman hai KHak mein bhi sath

ji gaya par na ye nishan gaya

kal na aane mein ek yan tere

aaj sau sau taraf guman gaya

harf-nashino koi use bhi mila

tab to main ne kaha so man gaya

dil se mat ja ki phir wo pachhtaya

hath se jis ke ye makan gaya

qaf

phirte phirte talash mein us ki

ek mera hi yun na jaan gaya

ab jo isa falak pe hai wo bhi

shauq mein barson KHak chhan gaya

kaun ji se na jaega ai 'mir'

haif ye hai ki tu jawan gaya