shad afyuniyon ka dil ghamnak

shaad afyūniyoñ kā dil ġhamnāk

dasht dasht ab ke hai gul-e-tiryāk

tiin din gor meñ bhī bhārī haiñ

ya.anī āsūdgī nahīñ tah-e-ḳhāk

haath pahuñchā na us ke dāman tak

maiñ garebāñ karūñ na kyūñkar chaak

tez jaatā huuñ maiñ to juuñ sailāb

mere maane ho kyā ḳhas-o-ḳhāshāk

ishq se haath kyā milāve koī

yaañ zabardastoñ kī hai kushtī paak

bandagī-keshoñ par sitam mat kar

Dar ḳhudā se tū ai but-e-be-bāk

ishq-e-mard-āzmā ne āḳhir-e-kār

kiye farhād-o-qais 'mīr' halāk

shad afyuniyon ka dil ghamnak

dasht dasht ab ke hai gul-e-tiryak

tin din gor mein bhi bhaari hain

yani aasudgi nahin tah-e-KHak

hath pahuncha na us ke daman tak

main gareban karun na kyunkar chaak

tez jata hun main to jun sailab

mere mane ho kya KHas-o-KHashak

ishq se hath kya milawe koi

yan zabardaston ki hai kushti pak

bandagi-keshon par sitam mat kar

Dar KHuda se tu ai but-e-be-bak

ishq-e-mard-azma ne aaKHir-e-kar

kiye farhad-o-qais 'mir' halak