sumbul tumhaare gesuon ke gham mein luT gaya

sumbul tumhāre gesuoñ ke ġham meñ luT gayā

abrū kī teġh dekh mah-e-īd kaT gayā

aalam meñ jaañ ke mujh ko tanazzuh thā ab to maiñ

ālūdgī-e-jism se maaTī meñ aT gayā

zulm-o-jafā-o-jaur par isrār is qadar

haT dekh dekh terī dil apnā bhī haT gayā

ab vo samāñ nahīñ hai ki vo kām-e-jān-e-ḳhalq

maġhmūm ham ko dekh ke dauḌā lipaT gayā

dushvār siite haiñge jo be-Dhab phaTe hai jeb

be-tauriyoñ se us kī dil apnā to phaT gayā

dāmān-o-jeb donoñ hue TukḌe ek jā

ab ke ye kaam haath se mere simaT gayā

ḳhātir agar ho jam.a pareshānī bhī nibhe

so dil to do taraf tirī zulfoñ se baT gayā

Tuk raat us ke muñh se huā thā muqābla

phir māh-e-chār-dah ko jo dekhā to ghaT gayā

kyā pūchho ho nasīb hamāre ulaT ga.e

chal kar idhar ko yaar phir ūdhar ulaT gayā

bulbul kī aur gul kī jo sohbat kī sair 'mīr'

dil apnā dilbaroñ kī taraf se uchaT gayā

sumbul tumhaare gesuon ke gham mein luT gaya

abru ki tegh dekh mah-e-id kaT gaya

aalam mein jaan ke mujh ko tanazzuh tha ab to main

aaludgi-e-jism se maTi mein aT gaya

zulm-o-jafa-o-jaur par israr is qadar

haT dekh dekh teri dil apna bhi haT gaya

ab wo saman nahin hai ki wo kaam-e-jaan-e-KHalq

maghmum hum ko dekh ke dauDa lipaT gaya

dushwar site hainge jo be-Dhab phaTe hai jeb

be-tauriyon se us ki dil apna to phaT gaya

daman-o-jeb donon hue TukDe ek ja

ab ke ye kaam hath se mere simaT gaya

KHatir agar ho jama pareshani bhi nibhe

so dil to do taraf teri zulfon se baT gaya

Tuk raat us ke munh se hua tha muqabla

phir mah-e-chaar-dah ko jo dekha to ghaT gaya

kya puchho ho nasib hamare ulaT gae

chal kar idhar ko yar phir udhar ulaT gaya

bulbul ki aur gul ki jo sohbat ki sair 'mir'

dil apna dilbaron ki taraf se uchaT gaya