taklif-e-bagh kin ne ki tujh KHush-dahan ke tin

taklīf-e-bāġh kin ne kī tujh ḳhush-dahāñ ke tiiñ

detā hai aag rang tirā gulsitāñ ke tiiñ

tinkā bhī ab rahā nahīñ sharmindagī hai jo

gir paḌ ke barq paave mire āshiyāñ ke tiiñ

aa.e adam se hastī meñ tis par nahīñ qarār

hai in musāfiroñ kā irāda kahāñ ke tiiñ

sanñāhaTe se baaġh se kuchh uThte haiñ nasīm

murġh-e-chaman ne ḳhuub mathā hai fuġhāñ ke tiiñ

be-rahm Tuk to paañv tū chhātī pe rakkhe rah

maarā bhī hai kabhī tiiñ kisī ḳhasta-jāñ ke tiiñ

ik gardish ai falak ki ho asnā-e-rāh se

kan.āñ kī or rāh-e-ġhalat kārvāñ ke tiiñ

tū ik zabāñ pe chipkī nahīñ rahtī andalīb

rakhtā hai muñh meñ ġhuncha-e-gul sau zabāñ ke tiiñ

dekhe kahāñ haiñ zulf tirī mardumān-e-shahr

saudā huā hai kahne lage us javāñ ke tiiñ

ham to hue the 'mīr' se us din hī nā-umīd

jis din sunā ki un ne diyā dil butāñ ke tiiñ

taklif-e-bagh kin ne ki tujh KHush-dahan ke tin

deta hai aag rang tera gulsitan ke tin

tinka bhi ab raha nahin sharmindagi hai jo

gir paD ke barq pawe mere aashiyan ke tin

aae adam se hasti mein tis par nahin qarar

hai in musafiron ka irada kahan ke tin

sannahaTe se bagh se kuchh uThte hain nasim

murgh-e-chaman ne KHub matha hai fughan ke tin

be-rahm Tuk to panw tu chhati pe rakkhe rah

mara bhi hai kabhi tin kisi KHasta-jaan ke tin

ek gardish ai falak ki ho asna-e-rah se

kanan ki or rah-e-ghalat karwan ke tin

tu ek zaban pe chipki nahin rahti andalib

rakhta hai munh mein ghuncha-e-gul sau zaban ke tin

dekhe kahan hain zulf teri marduman-e-shahr

sauda hua hai kahne lage us jawan ke tin

hum to hue the 'mir' se us din hi na-umid

jis din suna ki un ne diya dil butan ke tin