tariq KHub hai aapas mein aashnai ka

tarīq ḳhuub hai aapas meñ āshnā.ī kā

na pesh aave agar marhala judā.ī kā

huā hai kunj-e-qafas hī kī be-parī meñ ḳhuub

ki par ke saal talak lutf thā rihā.ī kā

yahīñ haiñ dair-o-haram ab to ye haqīqat hai

dimāġh kis ko hai har dar kī jab.ha-sā.ī kā

na pūchh mehñdī lagāne kī ḳhūbiyāñ apnī

jigar hai ḳhasta tire panja-e-hinā.ī kā

nahīñ jahān meñ kis tarf guftugū dil se

ye ek qatra-e-ḳhūñ hai taraf ḳhudā.ī kā

kisū pahāḌ meñ juuñ kohkan sar ab māreñ

ḳhayāl ham ko bhī hai baḳht-āzmā.ī kā

bajā rahā na dil-e-shaiḳh shor-e-mahshar se

jigar bhī chāhe hai kuchh thāmnā avaa.ī kā

rakhā hai baaz hameñ dar-ba-dar ke phirne se

saroñ pe apne hai ehsāñ shikasta-pā.ī kā

milā kahīñ to dikhā deñge ishq kā jangal

bahut hī ḳhizr ko ġharra hai rahnumā.ī kā

na uns mujh se huā us ko maiñ hazār kahā

jigar meñ daaġh hai us gul kī be-vafā.ī kā

jahāñ se 'mīr' hī ke saath jaanā thā lekin

koī sharīk nahīñ hai kisū kī aa.ī kā

tariq KHub hai aapas mein aashnai ka

na pesh aawe agar marhala judai ka

hua hai kunj-e-qafas hi ki be-pari mein KHub

ki par ke sal talak lutf tha rihai ka

yahin hain dair-o-haram ab to ye haqiqat hai

dimagh kis ko hai har dar ki jabha-sai ka

na puchh mehndi lagane ki KHubiyan apni

jigar hai KHasta tere panja-e-hinai ka

nahin jahan mein kis tarf guftugu dil se

ye ek qatra-e-KHun hai taraf KHudai ka

kisu pahaD mein jun kohkan sar ab maren

KHayal hum ko bhi hai baKHt-azmai ka

baja raha na dil-e-shaiKH shor-e-mahshar se

jigar bhi chahe hai kuchh thamna awai ka

rakha hai baz hamein dar-ba-dar ke phirne se

saron pe apne hai ehsan shikasta-pai ka

mila kahin to dikha denge ishq ka jangal

bahut hi KHizr ko gharra hai rahnumai ka

na uns mujh se hua us ko main hazar kaha

jigar mein dagh hai us gul ki be-wafai ka

jahan se 'mir' hi ke sath jaana tha lekin

koi sharik nahin hai kisu ki aai ka