TeDhi nigahen kiya karte ho dam bhar ke yan aane par

TeḌhī nigāheñ kiyā karte ho dam bhar ke yaañ aane par

īdhar dekho ham ne nahīñ kī ḳham abrū mar jaane par

zor havā hai chal suufī Tuk tū bhī rabāt-e-kohna se

abr-e-qibla baḌhtā baḌhtā aaya hai maiḳhāne par

gul khaa.e be-tah bulbul ne shor qayāmat kā sā kiyā

dekh chaman meñ us bin mere chupke jī bahlāne par

sar nīche kar letā thā talvār chalāte ham par ve

riijh ga.e ḳhūñ-rezī meñ apnī us ke phir sharmāne par

gaalī maar ke ġham par maiñ ne sabr kiyā ḳhāmosh rahā

rahm na aaya Tuk zālim ko is mere ġham khāne par

nādīda haiñ nām-e-ḳhudā ke aise jaise qaht-zada

dauḌtī haiñ kyā āñkheñ apnī sub.he ke daane daane par

hāl-e-pareshāñ sun majnūñ kā kyā jaltā hai jī apnā

āshiq ham bhī 'mīr' rahe haiñ is Dhab ke dīvāne par

TeDhi nigahen kiya karte ho dam bhar ke yan aane par

idhar dekho hum ne nahin ki KHam abru mar jaane par

zor hawa hai chal sufi Tuk tu bhi rabaat-e-kohna se

abr-e-qibla baDhta baDhta aaya hai maiKHane par

gul khae be-tah bulbul ne shor qayamat ka sa kiya

dekh chaman mein us bin mere chupke ji bahlane par

sar niche kar leta tha talwar chalate hum par we

rijh gae KHun-rezi mein apni us ke phir sharmane par

gali mar ke gham par main ne sabr kiya KHamosh raha

rahm na aaya Tuk zalim ko is mere gham khane par

nadida hain nam-e-KHuda ke aise jaise qaht-zada

dauDti hain kya aankhen apni subhe ke dane dane par

haal-e-pareshan sun majnun ka kya jalta hai ji apna

aashiq hum bhi 'mir' rahe hain is Dhab ke diwane par