us kaam-e-jaan-o-dil se jo koi juda hua

us kām-e-jān-o-dil se jo koī judā huā

dekhā phir us ko ḳhaak meñ ham ne milā huā

kar tark garche baiThe haiñ par hai vahī talāsh

rahtā nahīñ hai haath hamārā uThā huā

khīñchā baġhal meñ maiñ jo use mast pā ke raat

kahne lagā ki aap ko bhī ab nasha huā

nai sabr hai na hosh hai nai aql hai na diin

aatā hai us ke paas se āshiq luTā huā

uThtā hai mere dil se kabhū josh sā to phir

jaatā hai donoñ āñkhoñ se dariyā bahā huā

juuñ said-e-nīm-kushta taḌaptā hai ek sā

kyā jāniye ki dil ko mire kyā balā huā

ḳhat aa.e par jo garm vo parkār mil chalā

maiñ sādgī se jaanā ki ab āshnā huā

ham to lage kināre hue ġhair ham-kanār

ekoñ kī iid ekoñ ke ghar meñ dahā huā

juuñ barq mujh ko hañste na dekhā kisū ne aah

paayā to abr sā kahīñ rotā khaḌā huā

jis sher par samā.a thā kal ḳhānqāh meñ

vo aaj maiñ sunā to hai merā kahā huā

paayā mujhe raqīb ne aa us kī zer-e-teġh

dil-ḳhvāh baare mudda.ī kā mudda.ā huā

bīmār marg sā to nahīñ roz ab batar

dekhā thā ham ne 'mīr' ko kuchh to bhalā huā

us kaam-e-jaan-o-dil se jo koi juda hua

dekha phir us ko KHak mein hum ne mila hua

kar tark garche baiThe hain par hai wahi talash

rahta nahin hai hath hamara uTha hua

khincha baghal mein main jo use mast pa ke raat

kahne laga ki aap ko bhi ab nasha hua

nai sabr hai na hosh hai nai aql hai na din

aata hai us ke pas se aashiq luTa hua

uThta hai mere dil se kabhu josh sa to phir

jata hai donon aankhon se dariya baha hua

jun said-e-nim-kushta taDapta hai ek sa

kya jaaniye ki dil ko mere kya bala hua

KHat aae par jo garm wo parkar mil chala

main sadgi se jaana ki ab aashna hua

hum to lage kinare hue ghair ham-kanar

ekon ki id ekon ke ghar mein daha hua

jun barq mujh ko hanste na dekha kisu ne aah

paya to abr sa kahin rota khaDa hua

jis sher par samaa tha kal KHanqah mein

wo aaj main suna to hai mera kaha hua

paya mujhe raqib ne aa us ki zer-e-tegh

dil-KHwah bare muddai ka muddaa hua

bimar marg sa to nahin roz ab batar

dekha tha hum ne 'mir' ko kuchh to bhala hua