wo nahin milta ek kisu se marte hain udhar ja-ja log

vo nahīñ miltā ek kisū se marte haiñ ūdhar jā-jā log

yā'nī zaa.e' apne ta.iiñ karte haiñ us bin kyā kyā log

jaise ġham-e-hijrāñ meñ us ke 'āshiq jī kho baiThe haiñ

barsoñ maare charḳh falak to aise hoveñ paidā log

zulf-o-ḳhāl-o-ḳhat se us ke jahāñ-tahāñ ab mab.has hai

'aql huī hai gum ḳhilqat kī yā kahte haiñ saudā log

chaar qadam chalne meñ us ke dekhte jaate haiñ jo kafak

fitne sar khīñchā hī kareñ haiñ ek qayāmat barpā log

duniyā jaa.e nahīñ rahne kī 'mīr' ġhurūr nahīñ achchhā

jo jāgah se jaate haiñ apnī ve karte haiñ bejā log

wo nahin milta ek kisu se marte hain udhar ja-ja log

ya'ni zae' apne tain karte hain us bin kya kya log

jaise gham-e-hijran mein us ke 'ashiq ji kho baiThe hain

barson mare charKH falak to aise howen paida log

zulf-o-KHal-o-KHat se us ke jahan-tahan ab mabhas hai

'aql hui hai gum KHilqat ki ya kahte hain sauda log

chaar qadam chalne mein us ke dekhte jate hain jo kafak

fitne sar khincha hi karen hain ek qayamat barpa log

duniya jae nahin rahne ki 'mir' ghurur nahin achchha

jo jagah se jate hain apni we karte hain beja log