yar ka jaur-o-sitam kaam hi kar jata hai

yaar kā jaur-o-sitam kaam hī kar jaatā hai

kitnā jī āshiq-e-betāb kā mar jaatā hai

jaise girdāb hai gardish mirī har-chār taraf

shauq kyā jaane liye mujh ko kidhar jaatā hai

joshish-e-ashk meñ Tuk Thahre raho pesh-e-nazar

ab koī pal meñ ye sailāb utar jaatā hai

zard ruḳhsār pe kyoñ ashk na aave gul-rang

aage se āñkhoñ ke vo bāġh-e-nazar jaatā hai

zeh garebāñ kī hai ḳhūñ-nāb se tar hotī nahīñ

saarā zanjīra-e-dāman bhī to bhar jaatā hai

vā.iz-e-shahr tunuk-āb hai mānind-e-habāb

Tuk havā lagtī hai us ko to aphar jaatā hai

kyā likhūñ baḳht kī bargashtagī nāloñ se mire

nāma-bar mujh se kabūtar bhī chapar jaatā hai

aan is dilbar-e-shīrīñ kī chhurī shahd kī hai

āshiq ik aan hī meñ jī se guzar jaatā hai

har sahar pīchhe us aubāsh ke ḳhurshīd ai 'mīr'

Dhaal talvār liye jaise nafar jaatā hai

yar ka jaur-o-sitam kaam hi kar jata hai

kitna ji aashiq-e-betab ka mar jata hai

jaise girdab hai gardish meri har-chaar taraf

shauq kya jaane liye mujh ko kidhar jata hai

joshish-e-ashk mein Tuk Thahre raho pesh-e-nazar

ab koi pal mein ye sailab utar jata hai

zard ruKHsar pe kyon ashk na aawe gul-rang

aage se aankhon ke wo bagh-e-nazar jata hai

zeh gareban ki hai KHun-nab se tar hoti nahin

sara zanjira-e-daman bhi to bhar jata hai

waiz-e-shahr tunuk-ab hai manind-e-habab

Tuk hawa lagti hai us ko to aphar jata hai

kya likhun baKHt ki bargashtagi nalon se mere

nama-bar mujh se kabutar bhi chapar jata hai

aan is dilbar-e-shirin ki chhuri shahd ki hai

aashiq ek aan hi mein ji se guzar jata hai

har sahar pichhe us aubash ke KHurshid ai 'mir'

Dhaal talwar liye jaise nafar jata hai