yaro mujhe muaf rakho main nashe mein hun

yaaro mujhe muaaf rakho maiñ nashe meñ huuñ

ab do to jaam ḳhālī hī do maiñ nashe meñ huuñ

ek ek qurt daur meñ yuuñ hī mujhe bhī do

jām-e-sharāb pur na karo maiñ nashe meñ huuñ

mastī se darhamī hai mirī guftugū ke biich

jo chāho tum bhī mujh ko kaho maiñ nashe meñ huuñ

yā hāthoñ haath lo mujhe mānind-e-jām-e-mai

yā thoḌī duur saath chalo maiñ nashe meñ huuñ

ma.azūr huuñ jo paañv mirā be-tarah paḌe

tum sargirāñ to mujh se na ho maiñ nashe meñ huuñ

bhāgī namāz-e-juma to jaatī nahīñ hai kuchh

chaltā huuñ maiñ bhī Tuk to raho maiñ nashe meñ huuñ

nāzuk-mizāj aap qayāmat haiñ 'mīr' jī

juuñ shīsha mere muñh na lago maiñ nashe meñ huuñ

yaro mujhe muaf rakho main nashe mein hun

ab do to jam KHali hi do main nashe mein hun

ek ek qurt daur mein yun hi mujhe bhi do

jam-e-sharab pur na karo main nashe mein hun

masti se darhami hai meri guftugu ke bich

jo chaho tum bhi mujh ko kaho main nashe mein hun

ya hathon hath lo mujhe manind-e-jam-e-mai

ya thoDi dur sath chalo main nashe mein hun

mazur hun jo panw mera be-tarah paDe

tum sargiran to mujh se na ho main nashe mein hun

bhagi namaz-e-juma to jati nahin hai kuchh

chalta hun main bhi Tuk to raho main nashe mein hun

nazuk-mizaj aap qayamat hain 'mir' ji

jun shisha mere munh na lago main nashe mein hun