zar rakha behaal rakha betab rakha bimar rakha

zaar rakhā behāl rakhā betāb rakhā bīmār rakhā

haal rakhā thā kuchh bhī ham ne ishq ne āḳhir maar rakhā

mailān us kā thā kaahe ko jānib ulfat-keshoñ ke

apnī taraf se ham ne ab tak us zālim se pyaar rakhā

ishq bhī ham meñ haa.e tasarruf kaise kaise kartā hai

dil ko chaak jigar ko zaḳhmī āñkhoñ ko ḳhūñ-bār rakhā

kyā pūchho ho diiñ ke akābir fāzil kāmil sābir-e-ranj

izzat vaale kyā logoñ ko galiyoñ meñ un ne ḳhaar rakhā

kaam us se ik taur pe lete be-taur us ko hone na dete

haif hai 'mīr' sipahr-e-dūñ ne ham se us ko na yaar rakhā

zar rakha behaal rakha betab rakha bimar rakha

haal rakha tha kuchh bhi hum ne ishq ne aaKHir mar rakha

mailan us ka tha kahe ko jaanib ulfat-keshon ke

apni taraf se hum ne ab tak us zalim se pyar rakha

ishq bhi hum mein hae tasarruf kaise kaise karta hai

dil ko chaak jigar ko zaKHmi aankhon ko KHun-bar rakha

kya puchho ho din ke akabir fazil kaamil sabir-e-ranj

izzat wale kya logon ko galiyon mein un ne KHar rakha

kaam us se ek taur pe lete be-taur us ko hone na dete

haif hai 'mir' sipahr-e-dun ne hum se us ko na yar rakha