zulm hue hain kya kya hum par sabr kiya hai kya kya hum

zulm hue haiñ kyā kyā ham par sabr kiyā hai kyā kyā ham

aan lage haiñ gor kināre us kī galī meñ jā jā ham

haahā hī hī kar Tālegā us kā ġhurūr do-chandāñ hai

ghighiyāne kā ab kyā hāsil yūñhī kare haiñ haahā ham

ab hairat hai kis kis jāgah pamba-o-marham rakhne kī

qad to kiyā hai sarv-e-charāġhāñ daaġh badan par khā khā ham

sair-e-ḳhayāl junūñ kā kariye sarf kareñ tā ham par sab

patthar aap galī kūchoñ meñ Dher kiye haiñ lā lā ham

'mīr' faqīr hue to ik din kyā kahte haiñ beTe se

umr rahī hai thoḌī ise ab kyūñkar kāTeñ baabā ham

zulm hue hain kya kya hum par sabr kiya hai kya kya hum

aan lage hain gor kinare us ki gali mein ja ja hum

haha hi hi kar Talega us ka ghurur do-chandan hai

ghighiyane ka ab kya hasil yunhi kare hain haha hum

ab hairat hai kis kis jagah pamba-o-marham rakhne ki

qad to kiya hai sarw-e-charaghan dagh badan par kha kha hum

sair-e-KHayal junun ka kariye sarf karen ta hum par sab

patthar aap gali kuchon mein Dher kiye hain la la hum

'mir' faqir hue to ek din kya kahte hain beTe se

umr rahi hai thoDi ise ab kyunkar kaTen baba hum