ظلم ہوئے ہیں کیا کیا ہم پر صبر کیا ہے کیا کیا ہم

ظلم ہوئے ہیں کیا کیا ہم پر صبر کیا ہے کیا کیا ہم

آن لگے ہیں گور کنارے اس کی گلی میں جا جا ہم

ہاہا ہی ہی کر ٹالے گا اس کا غرور دو چنداں ہے

گھگھیانے کا اب کیا حاصل یوں ہی کرے ہیں ہاہا ہم

اب حیرت ہے کس کس جاگہ پنبہ و مرہم رکھنے کی

قد تو کیا ہے سرو چراغاں داغ بدن پر کھا کھا ہم

سیر خیال جنوں کا کریے صرف کریں تا ہم پر سب

پتھر آپ گلی کوچوں میں ڈھیر کیے ہیں لا لا ہم

میرؔ فقیر ہوئے تو اک دن کیا کہتے ہیں بیٹے سے

عمر رہی ہے تھوڑی اسے اب کیوں کر کاٹیں بابا ہم