اے سلاطین کے سلطان مدینے والے
اے سلاطین کے سلطان مدینے والے
تم پہ قربان مری جان مدینے والے
مرحبا صل علی یہ بشریت کا مقام
عرش والے کے ہیں مہمان مدینے والے
آپؐ کی ذات گرامی ہے خدا کی مظہر
آپؐ ہیں بولتے قرآن مدینے والے
تم سا کوئی نہ ہوا ہے نہ کبھی بھی ہوگا
تم سے انسان ہے ذیشان مدینے والے
کیوں نہ قدموں پہ جھکے سارے زمانے کی جبیں
تم ہو اللہ کا فرمان مدینے والے
تم نے بخشے ہیں جہالت کو دو عالم کے علوم
تم ہو روحوں کا دبستان مدینے والے
تم نے سوچوں کو فلک بوس نگاہیں بخشیں
یہ بھی امت پہ ہے احسان مدینے والے
روئے تابان رسالت کو جو دیکھا ہے کبھی
آئنے ہو گئے حیران مدینے والے
مجھ کو اخلاص کا دنیا نے دیا ہے یہ صلہ
میرے دامن میں ہیں بہتان مدینے والے
کیوں نہ جاگیں مری آنکھوں میں درودوں کے چراغ
میں تمہارا ہوں سخن دان مدینے والے
کیوں نہ ذوقیؔ کے تخیل کا محل ہو روشن
تم ہو افکار کا دالان مدینے والے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
